A1News.am-Այսօր՝ նոյեմբերի 4-ին, խոշոր ավտովթար-հրդեհ է տեղի ունեցել Երևանում։
Ժամը 02։40-ի սահմաններում Ծարավ Աղբյուրի փողոցի թիվ 121/4 հասցեի հարևանությամբ բախվել են Երևանի բնակիչներ 35-ամյա Մարտին Գ-ի վարած Land Rover մակնիշի և 21-ամյա Դավիթ Ն․-ի վարած Toyota Corolla մակնիշի ավտոմեքենաները։
Ինչպես հայտնում է ֆոտոլրագրող Գագիկ Շամշյանը, վթարի հետևանքով 2 ավտոմեքենաներում հրդեհ է բռնկվել։
Ըստ նախնական տեղեկությունների՝ բարեբախտաբար տուժածներ չկան։
Ֆոտոլրագրողը հայտնում է, որ հրշեջ-փրկարարները մարել են կրակը, սակայն ավտոմեքենաները ամբողջովին դարձել են ոչ շահագործելի։
