A1News.am-Դերասանուհի Թամարա Պետրոսյանը, ով այս շրջանում հանդես է գալիս «Women' club» հումորային նախագծում, մշտապես խոսում է իր անձնականի և 34 տարեկանում դեռ չամուսնացած չլինելու մասին: Առհասարակ, հայտնի փաստ է, որ հանրային մարդկանց անձնական կյանքը մշտապես հանրության ուշադրության կենտրոնում է և ավելի շատ է հետաքրքրում, քան նրա գործունեությունը:
Սակայն սա այն դեպքն է, երբ Թամարան ինքն է իր անձնական կյանքը և ամուսնացած չլինելու փաստը դարձրել իր անվան անբաժան մասնիկը: Երբ ասում են դերասանուհի Թամար Պետրոսյան, մեծ մասը միանգամից ասում է՝ դա էն տանը մնացա՞ծը չի:
Թեև այլ պարագաներում կարելի էր ասել, որ չի կարելի նման բան ասել չամուսացած աղջկա մասին, սակայն սա այն դեպքն է, երբ Թամարան ինքն է իրեն հանրությանն այդպես ներկայացնում:
«Women' club» հաղորդման բազմաթիվ եթերների ժամանակ խոսք է գնում Թամարայի անձնականի, փոքր կրծքեր ունենալու, ամուսնացած չլինելու և կողքին տղամարդ ունենալու դերասանուհու բուռն ցանկության մասին: Թվում է, թե այս թեման պետք է խոցելի լինի յուրաքանչյուր աղջկա համար, սակայն՝ ոչ Թամարայի, քանի որ ակնհայտ է, որ սա դերասանուհու համար PR տարբերակ է:
Պատահական չէ, որ անգամ իր մոնոներկայացման վերնագիրը Թամարան կրկին կապել է տանը մնացած լինելու փաստի հետ՝ այն կոչելով «Տանը մնացի՞»:
Հարգելի Թամարա, 34 տարեկանում ամուսնացած չլինելը ամոթ չէ, ամոթ է դրանով PR-վելը: Ամեն դեպքում, Starnews-ը դերասանուհուն մաղթում է գտնել իր 2-րդ կեսին ու երջանիկ լինել: Հուսանք, որ գոնե այդ դեպքում Թամարան կդադարի իր անձնականը հանրայնացնելուց ու հանգիստ կթողնի նաև չամուսնացած աղջիկներին:
Հավելենք նաև, որ արդեն երկար ժամանակ է, ինչ խոսում են այն մասին, որ Թամարան և Պոնչը սիրավեպ ունեն, ինչի վերաբերյալ նրանք մեկնաբանություն չեն տալիս, սակայն համացանցում ժամանակ առ ժամանակ հայտվում են նրանց մտերմիկ տեսանյութերը:
