A1News.am-Այսօր Իրանի հարավ-արեւմտյան Իլամ նահանգում տեղի է ունեցել 5,2 մագնիտուդ ուժգնությամբ երկրաշարժ, հաղորդում է Tasnim news-ը: Երկրաշարժը տեղի է ունեցել տեղական ժամանակով 9:24-ին Սալեխբադ քաղաքի մերձակայքում:
Իլամ նահանգի ճգնաժամային կառավարման դեպարտամենտի գործադիր տնօրեն Այաթ Քեյսարբեյգին հայտնել է, որ տուժած շրջաններ են ուղարկվել փրկարարներ և օգնություն ցուցաբերող խմբեր: Նրա խոսքով՝ ավերածությունների և զոհերի մասին հաղորդագրություններ դեռևս չեն ստացվել:
