A1News.am-Պատահում է, որ մաշկի ոչ իդեալական վիճակի պատճառը ոչ թե մաշկի առանձնահատկություններն են, այլ մաշկի խնամքի սկզբունքները: Cosmo-ն ներկայացրել է, թե ինչ սխալներ կարող եք թույլ տալ:
Անձեռոցիկներ մաշկի համար.Գուցե ժամանակն է ընդմիջելու: Այո, անձեռոցիկներով հեշտ է ու պարզ, բայց բաղադրիչների մի մասն օգնում է հանել դիմահարդարումը, մյուսները կարող են խցանել ծակոտիները:
Խիստ մաքրող միջոցներ յուղոտ մաշկի համար.Մի կողմից կարեւոր է լուրջ մաքրել այս տիպի մաշկը: Սակայն դրանով տարվելու դեպքում կարող եք վատացնել մաշկի վիճակը. մաշկը գրգռվածությանն արձագանքում է` մեծ քանակով ճարպ արտադրելով:
Բավական է լվանալ միայն մեկ անգամ.Մտածեք, թե որքան շատ բան եք քսում մաշկին` արեւապաշտպան, շիճուկ, կաթիկ... Սրանց գումարվում են դիմահարդարումն ու քաղաքային օդի աղբը: Այնպես որ, երեկոյան հարկավոր է եւս մեկ անգամ լվանալ դեմքը:
Փոխում եք ջրի ջերմաստիճանը.Իրականում տաք ջուրը չի բացում ծակոտիները, իսկ սառը ջուրը չի փակում դրանք: Պարզապես ջերմաստիճանն անմիջապես փոխելով`մոլորության մեջ եք գցում մաշկին:
Սկրաբ եւ կրկին սկրաբ.Փափուկ եւ մաքուր մաշկի զգացողությունը ցանկանում եք ունենալ ամեն օր: Սակայն սկրաբն ավելի լավ է մեկ շաբաթվա ընթացքում օգտագործել երկու անգամից ոչ ավելի, որպեսզի մաշկի կողմից տհաճ արձագանք չլինի:
Չեք կարդում բաղադրիչների ցանկը.Մաշկի խնամքի միջոցներ գնելիս կարող եք չնայել բաղադրիչների ցանկը, բայց մաշկին, օրինակ, հարկավոր չեն բուրավետիչներ կամ սուլֆատներ, որոնք ալերգիա են առաջացնում:
