A1News.am-Հնդկաստանում 70-ամյա կինը կարողացել է ծննդաբերել եւ լույս աշխարհ բերել իր առաջնեկին։ Այս մասին հայտնում է Loop կայքը։ Կնոջ անունը Ջիվունբեն Ռաբարի է։ Ամուսինը 75 տարեկան է։ Նրա անունն էլ Մալդհարի է։ Նրանք միասին ապրել են 45 տարի եւ այդ ողջ ընթացքում չեն կարողացել երեխաներ ունենալ։
Բազմաթիվ փորձերից հետո, զույգը որոշել է իրականացնել արտամարմնական բեղմնավորում։ Ամեն ինչ ավարտվել է բարեհաջող եւ զույգն արդեն ունի զավակ, չնայած նախապես նրանց զգուշացվել է, որ նման տարիքում դժվար թե հնարավոր լինի բարեհաջող իրականացնել արտամարմնական բեղմնավորում։ Հայտնի է նաեւ, որ երեխան առողջ է եւ իրեն լավ է զգում։
