A1News.am-Starnews-ը նոր նախագիծը՝ «Աստղային CV-ն», այս անգամ անդրադարձել է երգչուհի, «Հայ Սուպերսթար» նախագծի առաջին եթերաշրջանի հաղթող Սուսաննա Պետրոսյանին:
Երգչուհին Ծնվել է 1989թ. հունիսի 6-ին, Երևանում: 4 տարեկան հասակից երգել է Տ.Հեքեքյանի «Հայաստանի փոքրիկ երգիչներ» երգչախմբում: 2006թ. ավարտել է Երևանի Պ.Չայկովսկու անվան երաժշտական միջնակարգ դպրոցի դաշնամուրային բաժինը և ընդունվել Երևանի Կոմիտասի անվան պետական կոնսերվատորիայի ջազ-վոկալի բաժին: Միևնույն ժամանակ 2007թ.
«Ոսկե Քնար» մրցանակաբաշխության ժամանակ արժանացել է «Տարվա հայտնություն» մրցանակին: Նույն թվականին նկարահանել է առաջին տեսահոլովակը: 2009թ. թողարկել է առաջին ձայնասկավառակը «Երգի թևեր» անվանումով: Դասավանդել է ԱԼ. Սպենդարյանի անվան երաժշտական դպրոցում:
Սուսաննա Պետրոսյանը հանրությանը հայտնի դարձավ հենց «Հայ սուպերսթար» նախագծի ընթացքում: Հաղթող ճանաչվելուց հետո սկսվեց նրա աստղային վերելքը:
Երգչուհին 2015 թվականին Asekose.am-ի Փոփ Արտ հաղորդման շրջանակում խոսելով շոուբիզնես մուտք գործելեու մասին՝ նշել է, որ ինքը չի խորանում շոուբիզնեսի մեջ, քանի որ իր համար շոուբիզնեսում շատ բաներ անընդունելի են:
Նույն հարցազրույցի ընթացքում երգչուհին անդրադառնալով Միհրան Ծառուկլանի, Լիլիթ Հովհաննիսյանի արագ աճող հայտնության մասին նշել է, որ այն, ինչ անում են Միհրան Ծառուկյանն ու Լիլիթ Հովհաննիսյանը, ինքը չէր անի երբեք:
2013 թվականին երգչուհու անսպասելի լռությունը շատերին մոտ հարցերի տեղիք էր տվել: Նրա երկրպագուները փորձում էին հասկանալ, թե որտեղ է երգչուհին: Այդ ընթացքում կայքերից մեկը փորձեց երգչուհուց հասկանալ, թե ինչ է կատարվում նրա հետ, որին ի պատասխան երգչուհին ասել էր. «Պատրաստվում է հանդիսատեսին ներկայանալ նոր երգով, որի անվանումը դեռ պարզ չէ: Խոսքերի հեղինակը ես եմ, իսկ երաժշտությունը գրել է Արթուր Ալեքը: Արթուրին ճանաչում եմ մանկուց, միասին երգել ենք «Հայաստանի փոքրիկ երգիչներ» երգչախմբում. կարծես իմ փոքր եղբայրը լինի: Արթուրն ինձ անսպասելիորեն երաժշտություն նվիրեց, որից շատ էի ոգևորվել: Եկա տուն, մի քանի անգամ լսեցի այն, քունս չէր տանում ու սկսեցի բառերը գրել. այդպես էլ ծնվեց իմ նոր երգը»:
Սուսաննա Պետրոսյանը բազմիցս է նշել, որ նա չի ցանակնում, որպեսզի իրեն ներկայացնեն որպես շոուբիզնեսի ներկայացուցիչ: Ըստ նրա՝ ինքը կես ոտքով շոուբիզնեսում է, բայց երգում է, զբաղվում է իր սիրելի գործով ու երբեք չի ցանկանում, որ իրեն նույնականացնեն շոուբիզնեսի շատ ներակայացուցիչների հետ:
Երգչուհի Սուսաննա Պետրոսյանը ակտիվ չի եղել երբեք ու մինչ օրս նրա ակտիվությունը նկատելի չէ, նա ժամանակ առ ժամանակ ներկայանում է որևէ գործով, որից հետո, այսպես ասած, կորում է հանդիսատեսի աչքից:
Միայն վերջերս է երգչուհու անձնական կյանքը դարձել ավելի հասանելի ու նա միայն վերջերս է սկսել սոցիալական ցանցերով ակտվորեն ցուցադրել իր ընտանիքի անդամներին, երեխաներին և իրենց ընտանեկան միջոցառումները լուսաբանել:
Սուսաննա Պետորսյանի կյանքում եղել է բազմաթիվ դժվարություններ, նա կորցրել է իր հարազատ մարդկանց՝ մորը, իսկ 2018 թվականին 37 տարեկան հասակում մահացել էր նրա եղբայրը, Արմանը, ում մահվան օրը երգչուհին Սթորի բաժնում լուսանկար էր հրապարակել և մակագրել էր՝ ես կգամ քո մոտ:
Սուսաննա Պետրոսյանը ամուսնացել է 2016 թվականին, նրա ամուսինը մասնագիտությամբ բժիշկ-կենսաքիմիկ Գեւորգի Գասպարյանն է, իսկ 2019 թվականին երգչուհին բացահայտեց, որ իր ապագա ամուսնուն հանդիպել է 2010 թվականին: Նա լուսանկար էր հրապարակել և նշել՝ 9 տարի միասին:
Ամուսնու հետ Սուսաննա Պետրոսյանը բնակվում է Չինաստանում: 2017 թվականին Սուսաննան մայր դարձավ:
2020 թվականին ծնվեց նրա երկրորդ բալիկը, որի մասին նա հայտնեց 2021 թվականին՝ հրապարակելով որդու լուսանկարը, որին կից գրել է . «Արդեն 3 ամիս է, ինչ ծնվեց իմ կյանքի երկրորդ լույսը` իմ տղան: Մարկ Գեորգի Գասպարյան»:
Starnews-ն առաջարկում է դիտել Սուսաննայի ընտանեկան լուսանկարները առանց մեկնաբանության, իսկ երգչուհուն մաղթում է միմիայն երջանկություն ու ուրախությամ արցունքներ: Մենք կշարունակեք լուսաբանել նրան՝ և անձնական կյանքում, և մասնագիտական կյանքում տեղի ունենալիք բոլոր իրադարձությունները:
