A1News.am-Ստավրոպոլի երկրամասում ձերբակալվել են ճանապարհային ոստիկանության վարչության ավելի քան 35 աշխատակիցներ՝ այդ թվում պետը՝ Ալեքսեյ Սաֆոնովը: Այս մասին հայտարարել է Պետդումայի պատգամավոր Ալեքսանդր Խինշտեյնը:
Սաֆոնովը ձերբակալվել է «կոռուպցիայի և չարաշահումների կասկածանքով»: Ձերբակալվել են նաեւ նրա ենթականերից մի քանիսը՝ այդ թվում տեղակալները:
Պատգամավորը գրել է, որ ձերբակալվածները կասկածվում են հանցավոր խումբ կազմակերպելու, կաշառք վերցնելու եւ տարբեր այլ չարաշահումների մեջ:
Նա նաև հրապարակել է լուսանկարներ, որոնք արվել են Սաֆոնովի տանը:
