A1News.am-Էդգար Իգիթյանը դարձել է 31 տարեկան: Դերասանը տեսանյութ է հրապարակել որդու հետ՝ առաջին անգամ ցույց տալով փոքրիկի դեմքը:
«Կյանքիս ու ծնունդիս մեծագույն նվերը, տղես վիդեոյում մի շաբաթական ա։ Մերսի շատ լավ բարեմաղթանքների համար, սիրում եմ բոլորիդ։ Բոլորիդ ցանկանում եմ այն սերը, ինչը հիմա ես զգում եմ իմ ներսում… Թող բոլորի ընտանիքներում, եթե դեռևս չկա այս երջանկությունը, անպայման, Աստծո օրհնությամբ լինի…»,-տեսանյութին կից գրել է նա։
Հավելենք, որ Starnews-ը տեղեկացրել էր, որ հունիսի 16-ին ծնվել է դերասան Էդգար Իգիթյանի եւ նրա կնոջ՝ Լուսինե Չոբանյանի առաջնեկը։ Զույգն որդի է ունեցել, որին ծնողները Լեո են անվանակոչել։
Էդգարը հրապարակել էր հուզիչ տեսանյութ, թե ինչպես է որդուն հիվանդանոցից տուն տանում:
