A1News.am-Պատերազմի բոլոր սարսափները հասկանալու ու զգալու համար, ու կարևոր չէ՝ որտեղ է այդ պատերազմը, բավական է նայել սպանված, վիրավոր կամ որբ մնացած երեխաների ու սգացող մեծահասակների լուսանկարները:
Հարվածները, որոնք այսօր միմյանց հասցնում են Իսրայելն ու Պաղեստինը, արժենում են ոչ միայն ավերված շենքեր ու ենթակառուցվածքներ, այլև հարյուրավոր կյանքեր՝ երկու կողմից էլ:
Էսկալացիան սկսվելուց ի վեր Գազայի հատվածին հասցված հարվածների զոհ է դարձել 126 մարդ, այդ թվում՝ 31 երեխա: Այդ երեխաներից շատերն այրվածքներ են ստացել, ոմանք զրկվել են ձեռքերից և ոտքերից։
Գազայի հյուսիսում ջրային կառույցների վնասումն արդեն հանգեցրել է այն բանին, որ 250 հազար մարդ առանց խմելու ջրի է մնացել։
Պատերազմը գեղեցիկ չի լինում։ Պատերազմը մարդասեր չի լինում։ Մեր ֆոտոշարքում ներկայացված յուրաքանչյուր լուսանկարի հետևում տխուր պատմություն է: Բայց պատերազմից այլ կադրեր չեն լինում։..
Հիշեցնենք` Իսրայելի և պաղեստինյան Գազայի հատվածի սահմանին իրավիճակը սրվել է մայիսի 10-ի երեկոյան։ Գազայի հատվածում էսկալացիայի սկսվելուց ի վեր Իսրայելի տարածքի ուղղությամբ արձակվել է շուրջ 1800 հրթիռ, որոնցից մոտ 300-ը պայթել են պաղեստինյան անկլավի տարածքում: Իսրայելը պատասխան հարվածներ է հասցրել։
