A1News.am-Համացանցում տեսանյութ է հրապարակվել, որն արվել է Գերմանիայի Հայլբրոն քաղաքում գտնվող Porsche-ի ավտոսրահում:
Ինչպես հայտնում է Motor.ru-ն, Գերմանիայում հորդառատ անձրևների հետևանքով դիլերական կենտրոնի առաջին հարկը և կայանատեղին հեղեղվել են գերմանական մեքենաշինական հսկայի տասնյակ նորագույն պրեմիում դասի ավտոմեքենաների հետ միասին:
Ինչպես երևում է հրապարակված կադրերում, հեղեղաջրերը գրեթե ամբողջությամբ ծածկել են մեքենաները. ջուրը հավանաբար լցվել է մեքենաների սրահ: Նշվում է, որ ավտոսրահի աշխատակիցներից ոչ ոք չի տուժել:
Ըստ հրապարակված կադրերի` ջրի մակարդակը բարձրացել է մինչև 50 սմ: Նախնական տվյալներով` առնվազն Porsche 911 մոդելի 992 սերիայի 3 մեքենա է վնասվել:
Կայանատեղիում է եղել նաև երկու Macan քրոսովեր, ինչպես նաև երկու խումբ Cayenne Coupe, Porsche Taycan էլեկտրամեքենա:
Նախօրեին նման տեսանյութ էր հրապարակվել նաև Լևերկուզեն քաղաքում գտնվող Audi-ի դիլերական կենտրոնից:
Հիշեցնենք, որ օրեր շարունակ Գերմանիայում և եվրոպական այլ երկրներում մոլեգնող ջրհեղեղի հետևանքով հարյուրավոր մարդիկ են տուժել: Գերմանիայում տարերային աղետի հետևանքով զոհերի թիվը գերազանցել է 160-ը:
