A1News.am-ArmLady.am-ը գրում է.Հայկական շոու բիզնեսի ներկայացուցիչները սոցցանցի իրենց էջերում շարունակում են ցավակցական գրառումներ անել՝ Հայկոյի մահվան կապակցությամբ:
րգչուհի Քրիստինե Պեպելյան սթորիներ է տեղադրել իր ու Հայկոյի երգից ու գրառումներ արել.«Դու մեր հոգում ես…Մենք միշտ քեզ ծափահարելու ենք, մեր սիրո երգիչ…Դու միշտ մերն ես, Հայկոս… Դուետս կիսատ մնաց… Ընկերս գնաց… Ու մեզ հիշողություններ թողեցիր»:
ԱՄՆ-ում բնակվող երգչուհի Լիլուն ինստագրամի իր էջում գրել է.
«Մեկ տարի է՝ ցավից, տանջանքից աչք չենք բացում, հենց մի քիչ մեզ համոզելով ուզում ենք ոտքի կանգնենք, նորից մի անասելի հարված… Ինչ ա կատարվում մեր հետ, Տեր Աստված, արդեն ուժ չի մնացել»:
Դերասանուհի Տաթևիկ Ադումյանը ինստագրամի իր էջում Հայկոյի լուսանկարն է հրապարակել:
«Մենք կորցրեցինք ՄԵԾ արվեստագետի…»:
Դերասանուհի Անի Երանյանը Հայկոյի լուսանկարին կից գրել է.
«Հայկո, էս ինչ արեցիր»:
Հավելենք, որ այսօր Հայկոյի նախկին կինը, երգչուհի Անահիտ Սիմոնյանը, խախտել է լռությունը: Նա հուզիչ գրառումներ է արել, ներողություն խնդրելով Հայկոյից, որ չի կարողացել նրան օգնել: Երգչուհին խոստովանել է, որ որդուն չի կարողանում ասել այդ մասին.
«Առանց քեզ ես մնացի թույլ եւ անօգնական, ես չեմ կարողանում Արմանին ասել: Ես նրան տանն եմ փակել, որ ոչ ոք փողոցում նրան չասի սրա մասին: Ես տեսնում եմ, թե նա ինչպես է ապրում իր մանկական կյանքով եւ գաղափար անգամ չունի նրա մասին, թե ինչպես է աշխարհը ողբում … եւ ես չեմ կարող նրան ասել այս մասին … Ուղղակի չեմ կարող: ինչու թողեցիր այդ ամենը իմ ուսերին, ինչու: Բոլորը հիմա աում են, որ ես պետք է ուժեղ լինեմ, որ պետք է նաեւ մայր լինեմ, բայց ես չեմ կարող, ես չեմ կարող նրան փոխարինել քեզ: Ինչու՞ է Աստված տանում լավերին: Ինչու՞:Ես չեմ կարողանում պատասխան գտնել այս հարցին եւ երբեք չեմ կարողանա : Հանգչիր խաղաղությամբ: Բայց խոստացիր, որ միշտ կլինես կողքիս: Դարձիր մեր պահապան հրեշտակը: Իմ ամենահարազատ մարդ: Ներիր ինձ »:
