A1News.am-ԱԺ «Իմ քայլը» խմբակցության պատգամավոր Վահագն Ալեքսանյանը ֆեյսբուքյան իր էջում գրել է. «Երևի հիշում եք, որ ուրբաթ օրը ԱԺ մի շարք պատգամավորների հետ միասին պատվաստվեցինք կորոնավիրուսի դեմ։ Ես ընտրել էի Աստրա Զենեկա պատվաստանյութը՝ հաշվի առնելով երկու հանգամանք․ 1. այն այս պահին Հայաստանում ամենալայն կիրառումն ունի 2. այս պատվաստանյութի մասին ամենաշատ ստերն են տարածում, և դա պետք է կանխել։ Պիտի ասեմ, որ պատվաստման և հաջորդ օրը ունեցել եմ ջերմություն, հոդացավեր, ինչպես և զգուշացվել էր բժիշկների կողմից։
Դա բնական պրոցես է և տևում է երկու օր։ Հիմա, այս պահին ինքնազգացողությունս շատ լավ է, ոչ մի հետք չկա ո՛չ ջերմությունից, ո՛չ հոդացավերից։ Պատվաստվեք, ընկերներ, հանուն ձեր և ձեր հարազատների առողջության ու հիշեք՝ ԱՆ-ի կողմից հաստատված պատվաստանյութերից ամենալավը այն պատվաստանյութն է, որը ձեզ ամենամոտն ու ամենահասանելին է տվյալ պահին»։
