A1News.am-Գլամուր սրտակեր մաչոյի կերպարը հասցրել է սիրվել հեռուստադիտողի կողմից: Դերասանի կարծիքով, սակայն, Էմիլիոն իրական Սուրենից շատ հեռու է. «Էմիլիոն տարբերվում է իմ խաղացած բոլոր դերերից: Ինձ միշտ բաժին են հասնում բացասական կերպարներ, բայց այս մեկն էքսպերիմենտ էր: Ռեժիսոր Արման Մարությանի և իմ համատեղ աշխատանքի շնորհիվ ծնվեց այդ կերպարը:
Տարօրինակ կերպար է, բայց շատ հետաքրքիր ու գույներով հարուստ: Շնորհիվ դերասանական վարպետության՝ կարողանում եմ կերպարը բնական ներկայացնել: Արձագանքները շատ տարբեր են. համենայն դեպս, այն, որ դուր է եկել մարդկանց, ակնառու է: Շատ է լինում, երբ փողոցով անցնելուց ասում են՝ վայ, Էմիլիոն. կերպարի անունով են կանչում»:
Մասնագիտությամբ դերասան Սուրեն Առուստամյանը վատ է վերաբերվում այն հանգամաքին, որ հաճախ խաղահրապարակում կարող է հայտնվել ոչ պրոֆեսիոնալ դերասանների հետ. «Իրենք մեղք չունեն, որովհետև բոլորն են ուզում են դառնալ դերասան ու երևալ էկրանով:
Մեղավոր են այն մարդիկ, ովքեր տալիս են հնարավորություն՝ չմտածելով, որ այդպես կարող են վնասել տվյալ մարդուն: Եթե մարդն ունի շնորհք, միանշանակ, կարելի է, դա նաև համաշխարհային պրակտիկա է: Սակայն մենակ տաղանդը չէ, պետք է նաև տեխնիկային տիրապետել ինչպես բեմում, այնպես էլ տեսախցիկի առջև»:
