A1News.am-Աշխարհում հայտնի ամենախոշոր ծովային կոկորդիլոսը` մոտ վեցուկես մետր երկարությամբ Լոլոնգը, սատկել է 2013 թվականին գերության մեջ գտնվելու և մի ձկնորսի և աշակերտուհու ուտելու հետևանքով առաջացած սթրեսից, հսկա կենդանու սատկելու մասին նոր մանրամասներ է հայտնում The Mirror-ը։
Իր չափերի շնորհիվ Գինեսի ռեկորդների գրքում գրանցված կոկորդիլոսը բռնվել էր 2012թ. ։Ենթադրվում էր, որ մինչ այդ խոշոր սողունը կերել էր մի ձկնորսի, ով խորհրդավոր կերպով անհետացել էր Ֆիլիպինների Բունավան քաղաքից, իսկ երկու տարի առաջ Լոլոնգին կասկածում էին 12-ամյա աղջկա մահվան մեջ։
Սողունին որսում էին երեք շաբաթ, մինչև որ նրան վերջապես բռնեցին։ Կենդանին դարձել էր զբոսաշրջային պարկի գլխավոր գրավչությունը։ Սակայն 2013 թվականին կոկորդիլոսը սատկել է՝ վարակներից և սթրեսից, – այդպես նշել են անասնաբույժները։ Տեղի քաղաքապետը հույս է հայտնել, որ Լոլոնգի մարմինը կարող է պահպանվել: Իսկապես, այն մինչ այժմ պահպանվում է Մանիլայի Բնական պատմության ազգային թանգարանում:
