A1News.am-ԱՄՆ Կալիֆորնիա նահանգի Սակրամենտո քաղաքում հնչած կրակոցներից առնվազն 2 մարդ է մահացել, հաղորդում է ТАСС-ը՝ հղում անելով քաղաքային ոստիկանության հաղորդագրությանը:
Իրավապահների տվյալներով՝ ևս 4 անձ վիրավորվել է, դեպքի վայրում մի քանի միավոր հրազեն է հայտնաբերվել:
Ոստիկանությունն այժմ պարզում է դեպքի հանգամանքները:
Նախնական եզրակացության համաձայն՝ կրակոցների պատճառ է դարձել երկու խմբի միջև հասունացած կոնֆլիկտը. կասկածյալների մասին դեռևս տեղեկատվություն առկա չէ:
