A1News.am-Հայտնի են դարձել մանրամասներ Սոչիում տեղի ունեցած ավտովթարից, որում հայտնի ռուս հեռուստահաղորդավար, լրագրող Քսենյա Սոբչակը բախվել էր մեկ այլ ավտոմեքենայի հետ։
Ըստ «Ռեգնում» լրատվական գործակալության հաղորդման, տեղի է ունեցել երկու մեքենաների ճակատային բախում։ Դեռեւս պարզ չէ, թե ով է վթարի մեղավորը։
Սոբչակի մեքենայում եղել է նաեւ նրա օգնականը եւ անվտանգության աշխատակիցը։ Մեքենան վարել է Սոբչակը։ Նա ամենայն հավանականությամբ գտնվել է վթարի վայրում։
Մյուս մեքենայում եղել է երեք մարդ։ Երկուսը, այդ թվում նաեւ վարորդը, զոհվել են։ Երրորդին հոսպիտալացրել են ծանր վիճակում։
Իրավապահները դեռեւս որեւէ կերպ չեն մեկնաբանում տեղի ունեցածը։ Սոբչակի մենեջերը նույնպես չի մեկնաբանել տեղի ունեցածը։
