A1News.am-Ներկայումս TikTok-ն ամենամեծ մասսայականություն ունեցող սոցիալական հարթակներից մեկն է: Համատասխանաբար՝ տիկտոկերներն էլ ամբողջ աշխարհում դարձել են ժամանակակից նոր աստղեր, որոնք իրենց վարկանիշով չեն զիջում նույնիսկ ամենառեյթինգային աստղերին:
Նորություն չենք ասի, որ ներկայումս գրեթե բոլոր աստղերը նոր երգ թողարկելիս մտածում են, թե ինչպիսին պետք է լինի դրա տիկտոկային պարը, քանի որ նման դեպքում իրենց երգը միանգամից կտարածվի եւ կսիրվի:
Ինչ խոսք, TikTok-ը շատ անհայտ երգիչ-երգչուհիների համար է դռներ բացել: Ստորեւ ներկայացնում ենք երգիչ Ամրիդին, ով «Բախտավար» երաժշտական խմբի հետ կարողացավ ստեղծել TikTok-ի ամենահայտնի հիթերից՝ «Звезда Тик Ток»-ը:
Ի դեպ, տվյալ երգն այսօր այնքան սիրված է, որ այն YouTube-ում տարբեր ալիքներում կարող եք գտնել:
Տղաներից բաղկացած այս խմբի մասին նույնիսկ համացանցում քիչ ինֆորմացիա կա. հայտնի է, որ նրանք Հարավարին Կովկասից են:
Փոխարենը՝ բավական է ընդամենը մի քանի վայրկյան լսել նրանց երգը, հասկանալու համար, որ այն բազմիցս լսել եք եւ դրա ներքո ստեղծված բազմաթիվ տեսանյութեր եք դիտել:
Tiktok-ը կոտրեց այն կարծրատիպը, որ մասսայական դառնալու համար պետք է մեծ ռեսուրսներ ունենաս, ներկայումս հարկավոր ընդամենը հիթային երգ, իսկ եթե այն հատուկ պար էլ ունենա, ապա Դուք անհայտ քնելու եւ որպես հանրային մարդ արթնանալու բոլոր շանսերը կունենաք:
