A1News.am-ՌԴ նախագահ Վլադիմիր Պուտինը համոզված է, որ Լեռնային Ղարաբաղի հարցով եռակողմ պայմանավորվածությունների իրականացումն այլընտրանք չունի: Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։ «Եռանդուն ջանքեր են գործադրվում լարվածությունը թուլացնելու և սահմանին իրավիճակը շտկելու համար»,- ասել է Կրեմլի ներկայացուցիչը՝ հավելելով, որ հակամարտության կարգավորման հարցով Ռուսաստանը մշտական կապի մեջ է Հայաստանի և Ադրբեջանի հետ:
Պեսկովը դժվարացել է պատասխանել հարցին` արդյոք Պուտինը ստացե՞լ է Փաշինյանի նամակը ռազմական օգնության մասին: Նա նշել է, որ «այդ բոլոր հարցերը բազմիցս քննարկվել են երկկողմ շփումների ընթացքում»:
