A1News.am-Ռուսաստանը սահմանին լարվածության կարգավորման հարցում կաջակցի Հայաստանին և Ադրբեջանին, եթե նման խնդրանք ստացվի 2 պետություններից։ Այս մասին լրագրողներին հայտնել է ՌԴ ԱԳ փոխնախարար Անդրեյ Ռուդենկոն։ «Նորմալ է, երբ կողմերը նման իրավիճակում դիմում են մեզ օգնության, աջակցության, միջնորդության համար, առավել ևս, որ մենք փորձ ունենք նոյեմբերի 9-ի և հունվարի 11-ի հայտարարության մշակման համատեքստում։
Եթե նման դիմում ստացվի Ադրբեջանից և Հայաստանից, այդ ժամանակ պատրաստ կլինենք ցուցաբերել այն աջակցությունը, որը մենք կարող ենք»,- ասել է նա՝ պատասխանելով ТАСС-ի հարցին: Ռուդենկոն տեղեկացրել է, որ ՀԱՊԿ անդամ երկրների արտգործնախարարները մայիսի 19-ին Դուշանբեում կքննարկեն հայ-ադրբեջանական սահմանին տիրող լարվածությունը:
