A1News.am-Սանկտ Պետերբուրգում երկու մոտոցիկլետի մասնակցությամբ վթար է տեղի ունեցել: Դեպքը տեղի է ունեցել Կրասնոպուտիլովսկայա և Զայցև փողոցների խաչմերուկում: Life.ru-ի տրամադրության տակ է հայտնվել բախումը պատկերող տեսանյութ:
Կադրերը ցույց են տալիս, որ խաչմերուկում գտնվող մոտոցիկլավարներից մեկը ցանկացել է ձախ թեքվել, և այդ պահին մեծ արագության տակ նրան է հարվածել մեկ այլ մոտոցիկլավար: Բախման հետևանքով կայծեր են նկատվել:
Սոցիալական ցանցերում հայտնվել են վթարի հետևանքները պատկերող կադրեր: Դրանցում կարելի է տեսնել, որ ականատեսները վթարից անմիջապես հետո վազել են մոտոցիկլավարների մոտ և ցուցաբերել առաջին բուժօգնություն:
Տրանսպորտային միջոցները վնասվել են, և դրանց բեկորները ցրվել են տարբեր ուղղություններով:
Հայտնի է, որ տուժած մոտոցիկլավարներին տեղափոխել է շտապօգնության մեքենան: Նրանցից մեկը, ըստ նախնական տեղեկությունների, կոտրել է ձեռքը, իսկ մյուսի վիճակը գնահատվում է ծանր:
