Սիրային հարաբերություններում «անմիջապես հանվի՛ր» ոճով արագ սեքսը բուռն կիրք և հաճույք է պատճառում: Մինչդեռ դանդաղ և զգացմունքային մերձեցումը զույգերին ավելի է գայթակղում, քանի որ ամրապնդում է հուզական և ինտիմ կապը: Մեզ միշտ հետաքրքրում է այն հարցը, թե ինչպե՞ս սեքսը դարձնել յուրահատուկ և հիշարժան:
Տանտրիկ համբույր: Հնդկական և բուդդայական մեթոդներով միաձուլված համբույրի այս տեսակը ենթադրում է մեր զգայարանների համադրությունը, որը թույլ է տալիս վայելել գործողությունը: Սիրահարները մոտեցնում են շուրթերը միմյանց և համբույրի փոխարեն սահուն կերպով շնչում օդը: Տպավորություն է ստեղծվում, որ նրանք շնչում են միմյանց համար: Հիշե՛ք՝ շնչառությունը պետք է նուրբ և էրոտիկ լինի:
Զրուցեք: Երբ կրքերը թեժանում են, սիրելիի նուրբ խոսքերը մեծացնում են սերոտոնին և դոֆամին հորմոնների քանակն ուղեղում: Հաճելի խոսքերը և շշուկները թուլացնում են օրգանիզմը, հատկապես՝ պարանոցի հատվածի ճնշումները:
Ուշադրություն դարձրեք մանրուքներին: Սեռական հարաբերություններում կարևոր է հաշվի առնել այն իրավիճակը, որում տեղի է ունենում ամեն ինչ: Օրինակ՝ ո՞վ կցանկանա հարաբերություններ ունենալ մի սենյակում, որտեղ միայն թափթփված դարակներ են և խառնաշփոթ:
Սրտին ավելի մոտիկ: Հետաքրքիր է, երբ տղամարդը դիպչում է կնոջ կրծքերին, օրգանզմում արտադրվում է օքսիտոցին հորմոնը, որի շնորհիվ մեծանում է հաճույքի զգացումը: Դե ինչ, մի՛ խուսափեք տարբեր տեխնիկաներ փորձելուց:
Նայեք աչքերին: Եթե դուք նախընտրում եք զբաղվել օրալ սեքսով, ապա մի՛ մոռացեք նայել նրա աչքերին: «Աչքերի շփումն» օգնում է զգացմունքներն արտահայտել նույնիսկ առանց բառերի:
Նուրբ հպումներ: Սեքսի ժամանակ մատներով դիպչեք նրա մարմնի այն հատվածներին, որտեղ շատ են նյարդային հանգույցները: Անշուշտ, նրա մարմինը կարձագանքի ձեր հպումներին: Մի հապաղեք նոր ձևեր փորձել:
Հաճույք ստացեք: Հաճախ դուք ցանկանում եք միայն տալ, սակայն մոռանում եք ստանալու մասին, ինչն ավելի հաճելի է: Այսպես երկուսդ էլ կվայելեք միմյանց սերն ու քնքշանքները:
Սեքսից հետո: Եթե հարաբերությունների ժամանակ երկուսդ էլ հաճույք եք ստացել, ապա այդ զգացողությունը կարող է պահպանվել ավելի քան երկու օր: Ուրեմն, մի՛ թերագնահատեք լավ սեքսի կարևորությունը կյանքում:
Շփվեք սեքսից հետո: Հարաբերություններից հետո շփումները, օրինակ, «կարոտում եմ իմ մահճակալը» կամ «գիշերը պարզապես հիասքանչ էր», ամրապնդում են ձեր կապը:
