A1News.am-Starnews-ը, ինչպես միշտ, ամփոփում է շաբաթը: Ցավով պետք է նշենք, որ այն ամփոփում ենք տխուր լուրով. մահացել է դերասանուհի Լուիզա Ղամբարյանի մայրը: Ավելի վաղ Լուիզա Ղամբարյանը կորցրել էր նաև ամուսնուն՝ հայտնի բժիշկ Գեորգի Պողոսյանին: Հայտնի է, որ դերասանուհու մայրը և ամուսինը վարակվել էին կորոնավիրուսով:
Ի դեպ, Լուիզա Ղամբարյանի ամուսինը Սոֆի Դևոյանի պապիկն է, սակայն պարուհու համար կյանքը, կարծես, շարունակվում է, նա նոր լուսանկարներ է հրապարակել և զգուշացրել է հետևորդներին, որ իրեն քննադատելու դեպքում նրանց բլոկելու է:
Իր կյանքի ողբերգությանն այս շաբաթ անդրադարձել է հաղորդավարուհի Մարինա Գրեգը: Ծանրորդ Սիմոն Մարտիրոսյանի մասնակցությամբ մահացու վրաերթից հետո Մարինա Գրեգը խոսել է իր մասնակցությամբ տեղի ունեցած վթարի մասին, որը նույնպես մահվան ելքով էր: Ըստ Մարինայի՝ մինչ օրս իր հասցեին անեծքներ է ստանում:
Իր կյանքի դրաման է ապրում նաև դերասան Վահագն Սիմոնյանը, ով առավել հայտնի է Պոնչո անունով: Դերասանը կորցրել է ամեն ինչ, նա չունի տուն, ապրում է վրանում, որն անվանում է մենության տաճար: Թեպետ այդ վրանն էլ այս պահին նորմալ վիճակում չէ: Պոնչոն բառիս բուն իմաստով նույնիսկ կոշիկներ չունի, չնայած դրան՝վստահեցնում է, որ չի դժգոհում կյանքից: Հավելենք, որ նրա նախկին կինը և երեխաները չեն շփվում իր հետ՝ պնդելով, որ Պոնչոն առողջական խնդիրներ ունի: Դերասանի հետ որևէ շփում չունեն նաև նրա գործընկերները:
Այս շաբաթ ունեցանք նաև աստղային ձախողումներ: Այս շաբաթվա ձախողակները երգիչ, դերասան Գոշը և նրա սիրելի՝ դերասանուհի, բլոգեր Մաշան էին: Գոշը իր ծննդյան առիթով ջակուզիում կիսամերկ լուսանկար էր հրապարակել, որից պարզ էր դարձել, որ իր հետ նաև երիտասարդ աղջիկ էր եղել:
Սթափ ուղեղով, կամ, գուցե, Մաշայի դրդմամբ Գոշը հեռացրել էր լուսանկարը, բայց մեր աչքից այն չէր վրիպել:
Թե ինչ եղավ մեր հրապարակումից հետո, իսկապես շատ հուզիչ էր: Գոշը, բնականաբար, հերքել էր, որ լուսանկարի աղջիկը Մաշան է, ավելին ̀ նա պնդել էր. որ երբևէ սիրավեպ չի ունեցել Մաշայի հետ: Starnews-ն էլ հակառակը ապացուցող փաստեր էր ներկայացրել:
Ի դեպ, եթե Գոշի և Մաշայի սիրավեպի դեպքում փաստեր ենք ներկայացրել, ապա դերասանուհի Ագնեսա Շահնազարյանի և դերասան Թելման Խաչատրյանի դեպքում հստակ նշել էինք, որ ընդամենը լուրեր են պտտվում: Խոսակցությունների պատճառ էր դարձել նաև այն, որ դերասանուհին ֆեյսբուքյան էջում իր և Թելմանի գրկախառնված լուսանկարը դարձրել էր գլխավոր նկար, որը հրապարակվել է առանց մեկնաբանությունների: Այս իրադարձության մեջ հատկանշանական էր այն փաստը, որ Ագնեսան հաճախ չի փոխում ֆեյսբուքյան հիմնական լուսանկարը, իսկ գործընկերների հետ այսպես գրկախառնված լուսանկար երբեք չի ունեցել:
Մենք չէինք հաստատել նրանց սիրավեպի մասին լուրերը, ոչ էլ պնդել էինք այդ սիրավեպի իրականություն լինելը: Մեկնաբանություն ստանալու նպատակով փորձել էինք նույնիսկ կապ հաստատել դերասանուհու հետ, ինչը մեզ չէր հաջողվել: Հարկ ենք համարում ընդգծել, որ տեղեկության հրապարակումից հետո երբևէ չենք ստացել որևէ նամակ, որով Ագնեսա Շահնազարյանը հերքում կպահանջեր, սակայն պարզ է դարձել, որ դերասանուհին հարցը որոշել է կարգավորել օրենքով՝ դիմելով դատարան:
Ցավոք սրտի դերասանուհին նույնիսկ մեր դեմ դատական հայց ներկայացնելու գործընթացը չի կարողացել անթերի իրականացնել: Starnews.am-ի հիմնադիր հանդիսացող «Մայ փեյջ» ընկերությունը դատարանից մի գրություն է ստացել, համաձայն որի՝ դերասանուհուն հետ է վերադարձվել իր հայցադիմումը՝ հայցադիմումում առկա թերությունների պատճառով: Հաջողություն ենք մաղթում դերասանուհուն իր հայցադիման հետագա ընթացքի համար և նշում ենք, որ այժմ մեր փաստաբանական թիմը անսխալ ու իրական պատասխան հայցադիմում է պատրաստում, որով դիմելու է դատարան՝ մեր անձը ու արժանապատվությունը վերականգնելու համար: Մեր դատական հայցով մենք նույնպես դերասանուհուց գումար ենք պահանջելու և ստացված ողջ գումարը փոխանցվելու է օգնության կարիք ունեցող ընտանիքներից մեկին:
Շաբաթվա ընթացքում ուրախալի լուրեր ևս եղան: Սիրելիի հետ պաշտոնապես օրիկանացրել է հարաբերությունները երգիչ, դերասան Հայկ Պետրոսյանը, որից հետո խնջույք է կազմակերպել, ենթադրվում է, որ բուն հարսանիքն առջևում է: Իսկ դերասան Էդ Իգիթյանն էլ հայտնել է, որ շուտով ծնվելու է իրենց առաջնեկը:
Ոմանք ամուսնանում են, ոմանք էլ մայրություն են անում խորթ երեխաների համար: Լիլի Մորտոն պարզվում է՝ կատարյալ խորթ մայրիկ է:
Մինչ մյուսները սիրահարվում և ամուսնանում են, Լիա Զախարյանը և Աղասի Մանուկյանն էլ առաջին անգամ համբուրվում էին նկարահանման հրապարակում:
Այս շաբաթ իր որդու մասնակցությամբ տեսանյութեր հրապարակելով աչքի ընկավ նաև Քրիստինե Պեպելյանը: Ի դեպ, ապրիլի 22-ին երգչուհու ծննդյան օրն էր, ինչի առիթով Starnews-ը շնորհավորել էր նրան: Հավելենք, որ Քրիստինեն այս շրջանում ԱՄՆ-ում է, սակայն շուտով վերադառնալու է:
Եթե Քրիստինեի դեպքում կարող ենք նշել, որ նա վերադառնալու է, ապա Սարգիս և Մանո Գրիգորյանների դեպքն այլ է, ըստ լուրերի՝ նրանք չեն պատրաստվում հետ գալ, հաստատվել են ԱՄՆ-ում ու վայելում են կյանքը: Իր շքեղ կյանքով աչքի է ընկնում նաև հայտնի պրոդյուսեր Մենչի դուստրը՝ Էլինան: Ի դեպ, Մենչը արդեն մի քանի տարի է, ինչ ԱՄՆ-ում է:
ԱՄն-ում հաստատված Արմենուհի և Արթուր Սուքիասյաններն էլ, կարծես թե, գոհ են իրենց ամերիկյան կյանքից: Արտագաղթելու մասին ցանկություն է հայտնել նաև տիկտոկեր Մագան՝ նշելով, որ այստեղ իրեն վիրավորում են իր համարձակ կերպարի համար:
Շաբաթվա բացահայտումն էլ վերաբերում էր Սոնա Եսայանին: Մեզ հաջողվել է պեղել նրա մասնակցությամբ արխիվային տեսանյութ, որից, դժվար թե, նա կերջանկանար:
Դե էլ ինչ շաբաթ առանց փոքրիկների, որոնք այնքան շատ են հայտնվում հայտնի ծնողների տեսանյութերում, որ իրավամբ կարող են աստղային համարվել:
Բարի հանգիստ ձեզ, մենք շարունակենք աշխատել, դուք հանգստացեք ու երկուշաբթի նորից կկարդաք մեզ:
Իսկ եթե ուզում եք աստղային նորությունների մասին առաջինը տեղեկանաք, ապա հավանեք մեր ֆեյսբուքյան էջը, իսկ հուզիչ, սեքսուալ, բարի ու մանկական աստղային տեսանյութերին կարող եք հետևել մեր յութուբյան էջում:
