A1News.am-Starnews-ի աչքից չի վրիպել, որ ներկայումս իր հանգիստը Եգիպտոսում վայելող Սոֆի Դևոյանը, ինստագրամյան հարց ու պատասխան էր կազմակերպել:
Ու պարզվում է, որ Սոֆին սրտնեղում է, որ իր և սիրելիի բաժանման մասին են գրում: Ավելի հստակ լինելու համար նշենք, որ ըստ Սոֆիի՝ բոլոր կայքերը, որոնք գրում են իրենց բաժանման մասին, պարզապես իրենց ժամանակն են վատնում:
Դեռ մի բան էլ ավելացրել էր. «Собака лает, а караван идёт»:
Թվում է, թե նորմալ է, որ Սոֆին այսպես կարող է խոսել, երբ իրեն և սիրելիին փորձում են բաժանել, սակայն Սոֆին մոռանում է, որ ինքն է սադրում լրատվամիջոցներին, ինքն է կարմրած աչքերով ու արտասվելիս նկարվում, տեղադրում սթորի, ակնարկում բաժանման մասին, հետո իբր թե սրտնեղում է, որ նման խոսակցություններ են տարածվում:
Հիշեցնենք, որ արտասվող լուսանկարին կից նա գրել էր. «Ու մեր կյանքի ամեն որոշում մենք ենք կայացնում»:
Հավելենք, որ այդ լուսանկարի հրապարակումից հետո Starnews-ը կապ էր հաստատել պարուհու հետ:
Մեզ հետ զրույցում նա ոչ հերքել էր, ոչ էլ հաստատել էր բաժանման լուրը՝ ասելով, որ իրեն հետաքրքիր չեն բոլոր տեսակի քննարկումները:
Տպավորություն է, որ Սոֆիի արածը ոչ այլ ինչ է, քան դասական շոու: Նա իր սիրելիին ցույց է տալիս տարբեր ռակուրսներից, հետո էլ խոսում, որ սիրելին չի սիրում հանրության ուշադրության կենտրոնում լինել: Սոֆին սադրում է, հետաքրքրություն առաջացնում, հետո էլ զարմանում, թե ինչու է ստանում այդ ուշադրությունը:
