A1News.am-Starnews-ը տեղեկացրել է, որ Թամարա Գևորգյանը վերջերս ավտովթարից հրաշքով էր փրկվել: Դերասանուհին վերջերս 3-րդ անգամ վիրահատել է ոտքը, տեղաշարժվում է անվասայլակով, սակայն դա չի խանգարել հարազատներին նրա համար մեծ խնջույք կազմակերպել:
Թամարան իր պատվին կազմակերպած խնջույքից լուսանկար է հրապարակել և դրան կից գրել է.
«Առաջին հերթին շնորհակալությունս եմ ուզում հայտնել ինձ համար թանկ ու կարևոր մարդկանց՝ ընտանիքիս, իմ մասին անհանգստացող և իմ կողքին կանգնող ընկերներիս, շնորհակալությունս եմ հայտնում իմ մասին անհանգստացող ու ինձ դրա մասին իրազեկ չպահող ընկերներիս…
Լրագրողներին, ովքեր ևս հետաքրքրվում են իմ առողջությամբ, ասեմ, որ անցել եմ բոլոր վիրահատություններն ու այժմ կինեզիստի օգնությամբ փորձում եմ ոտքի կանգնել… Քայլելու եմ անկասկած…
Ընտանիքս, ընկերներս և սիրելիս մի վայրկյան անգամ չեն կասկածել ու այդ հավատի շնորհիվ է, որ ես այսօր առավել քան երբևէ վստահ եմ, որ քայլելու եմ…
Արհավիրքներն անգամ անզոր են այն սիրո դեմ, որը ես եմ վայելում այսօր…»:
Նշենք, որ երեկոյի ընթացքում Թամարան նաև շքեղ ծաղկեփունջ և փուչիկներ է ստացել, որոնք նրա սիրելիից էին: Թամարան Ինստագրամում սթորի էր տեղադրել, սակայն դրանց կից գրել է, որ ծաղիկները և փուչիկները սիրելիից են, սակայն հանձնողն առաքիչն էր:
