A1News.am-Կոստա Ռիկայի և Պանամայի միջև սահմանին 7,0 մագնիտուդով հզոր երկրաշարժ է տեղի ունեցել չորեքշաբթի՝ տեղական ժամանակով 15:15-ին: Այս մասին հայտնում է «Սինհուան»՝ վկայակոչելով Կոստա Ռիկայի համալսարանի Ազգային սեյսմոլոգիական ցանցը։
Ստորգետնյա ցնցումների էպիկենտրոնը գտնվել է Խաղաղ օվկիանոսում ՝ Պանամայի Բուրիկա սահմանային հրվանդանից 113 կմ հարավ։ Օջախը գտնվել է 10 կմ խորության վրա:
Երկրաշարժը խուճապ է առաջացրել Կոստա Ռիկայի շրջանների մեծ մասում, մասնավորապես մայրաքաղաք Սան Խոսեում և խոշոր քաղաքներում:
Զոհերի եւ լուրջ ավերածությունների մասին տեղեկություններ դեռ չեն ստացվել:
Արտակարգ իրավիճակների ազգային հանձնաժողովը հայտարարել է, որ Կոստա Ռիկայում կամ Պանամայում ցունամիի առաջացման վտանգ չկա:
