A1News.am-Արդեն տևական ժամանակ է, ինչ ըստ խոսակցությունների՝ դերասաններ Վահե Զիրոյանը և Իննա Խոջամիրյանն այլևս միասին չեն: Նրանց սիրավեպը բուռն էր սկսել, սակայն ըստ լուրերի՝ նույնքան բուռն էլ ավարտվել էր: Նրանք հանդիպել էին «Երկուսով» սերիալի նկարահանման հրապարակում, նկարահանվել համբույրի տեսարաններում, հետո, ինչպես ընդունված է ասել՝ «դերի տակ էին մնացել»-գրել է Starnews-ը:
Առաջին անգամ Վահեին և Իննային միասին բռնացրել էին ԱՄՆ-ում, իսկ հետո նրանք այլևս չէին թաքցնում իրենց սիրավեպը: Երևում էր՝ զույգը երջանիկ է, Իննան էլ Հայկ Պետրոսյանի հետ բաժանումից հետո կրկին փայլում էր, Զիրոյանն էլ Իննային հրապարակավ երգ էր նվիրում:
Թե որքանով են նրանց բաժանման լուրերը համապատասխանում իրականությանը, ժամանակը ցույց կտա, սակայն հիմա էլ ըստ ասեկոսեների՝ Զիրոյանը տարվել է իր նոր խաղընկերուհիով, խոսքը Վիկտորյա Սահակյանի մասին է: Նրանք միասին հանդես են գալիս «Փնտրվում է տղամարդը» ներկայացման մեջ:
Ըստ շշուկների՝ Վիկտորյան ու Զիրոյանը վաղուց է, ինչ արդեն միայն գործընկերներ չեն: Այս առիթով Starnews-ը փորձեց կապ հաստատել Վիկտորյայի հետ, սակայն մեր զանգերն այդպես էլ մնացին անպատասխան:
Ի դեպ, Վիկտորյա Սահակյանը հանրությանը հայտնի դարձավ «Save միլիոն» ներկայացումից և սերիալներից, ինչպես նաև կիսամերկ լուսանկարներով, որոնցից շատերն արվել էին Իննա Խոջամիրյանի ներքնազգեստի ապրանքանիշի համար: Starnews-ի աչքից չի վրիպել, որ այդ լուսանկարները Վիկտորյան հեռացրել է սոցիալական ցանցի իր էջերից:
