A1News.am-Տաջիկստանը հայտարարել է ղրղզական սահմանապահների կողմից ընդհանուր սահմանի հերթական խախտման մասին, զինված միջադեպի արդյունքում վիրավորվել է երկու ղրղզ զինծառայող, հինգշաբթի հաղորդել է «ՌԻԱ Նովոստի»-ին հայտնել են Ազգային անվտանգության պետական կոմիտեի մամուլի կենտրոնում:
«Այս տարվա հուլիսի 8-ին չորս ղրղզ սահմանապահ ապօրինաբար հատել են Տաջիկստանի պետական սահմանը Սուղդի մարզի Դեվաշտիչ շրջանի Ռոսրովուտ հատվածում: Խախտողները զինվորական եւ քաղաքացիական համազգեստով էին, իրենց հետ ունեին «Կալաշնիկով» ինքնաձիգներ, մտադիր էին առեւանգել Դեվաշտիչ շրջանի բնակիչներին պատկանող 9 ձի եւ նրանց տանել իրենց տարածք»,- հայտնել են մամուլի ծառայությունից:
Գործակալության զրուցակցի խոսքով, ի պատասխան պետական սահմանը խախտելու մասին տաջիկ սահմանապահների նախազգուշացմանը, ղրղզ զինծառայողները կրակ են բացել ավտոմատ զենքերից: «Տաջիկ սահմանապահների պատասխան կրակից վիրավորվել է երկու սահմանախախտ: Ներկայումս դեպքի վայրում են գտնվում երկու երկրների իրավասու մարմինների ներկայացուցիչները՝ դեպքի հանգամանքները պարզելու համար»,- հավելել են մամուլի ծառայությունում:
